Июнь зурул 26-нний МахIачкъалалив Яруссаннал театрданул хьхьичI Жагьилтурал кьинилун хас дурсса фестивальданий хьунни Библиотечный фонд цIудуккан дуллалисса ва Донецкаллал ва Луганскаллал халкьуннал республикарттаясса оьрчIан игрушкартту датIлатIисса акция.

Акция сакин дурну дия «Хъиншиву ва дусшиву» тIисса фестивальданул программалул лагрулий. Шикку гьуртту хьуминнал лавсун бувкIунни Донецкаллал ва Луганскаллал оьрчIансса луттирду ва игрушкартту.
Волонтер Садия Исяевал бувсунни, кувннал кувннайн соцсетирдайхчIин баян буллай, акциялувух гьуртту хьун чIявусса инсантал бувкIшиву.
МахIачкъалалив ва Аьрасатнал цаймигу 9 шагьрурдай дурсса мероприятиярттал сакиншинначиталну хьунни регионнал хIукуматру ва Жагьилтурал иширттал федерал агенство.