100 балл оьрус мазрал ЕГЭ-лул лавсунни ЦIуссаккуллал 2-мур школалул выпускница Алина Маккаевал. Школалий дуклакисса шиннардий Алина ЕГЭ-рдайн хIадур хъанай, дарсру лахьлайнма бивкIунни. Дарсру хьхьичIунну лахьхьаврицIун Алинан ххирар луттирду ккалан, суратру дихьлан, волейболданий буклан ва спортрал цаймигу тIуркIурду буллан.

– 11-мур классраву дуклакисса ппурттуву хъинну хIадур хъанай бивкIра ЕГЭ-рду дулун. Нава экзаменнайн ваксса хIадур хъанай бивкIнугу, 100 балл лавсъсса кIул шайхту, ххаришиврул вих хьун къахъанай буссияв, – тIий буслай бур Алина.

100 балл лавсъсса выпускниктуран ччимур вузравун буххансса нузру тIитIлай дур. Алиналгу язи бувгьунни Дагъмединститут.