Гъаттара къашавай къахьун

Гъаттара къашавай къахьун

Ххалаххив буван хIадуршин дуллай

Инсантурал цIуллушиврул ялув бацIайсса кунма, жула ужа­гъирттай ябуллалисса ятту-гъаттаралмур цIуллушивугу дуруччин аьркинну бикIай. Вайннул ялув бавцIуну бикIай ветеринар хIакинтал. Жува миннайн «гъаттарал хIакинталгу» учару. Вихьуллал шяравугу дур Ветеринар участок. Ва участокрал канилу бур Вихьуллал, Ссухъиящиял, Къяннал, ЦIийшиял, Хъювхъиял шяраваллавусса инсантурал ятту-гъаттара.

Участокрай каялувшиву дуллай ур, касмулул куртIшиврувун ухлай, шамийлла кIулшиву ларсъсса, цалла даву гьануцIакул кIулсса МахIаммадов Шяъван Къапул арс. Вайннал инттухунмай, ссуттихунмай ятту-гъаттарайн, личIи-личIисса цIуцIавуртту къадияншиврул, вакцинартту, ххалаххив бувай, оь ласай цIуцIавурттурагу да­къарив ххал дуван.
Вихьуллал шяраваллил хьхьичI­сса, хасъсса гъаттарайн ххалаххив бувайсса, кIанай ттун хьунабавкьуна Шяъван ва ванацIунсса зузала Аьлиева Мариян. Вайннал бувсуна, бруцеллез ягу лейкозрагу дакъарив ххал дуван, оь ласлантIий бушиву ва, «Сибирская язва», «Эмка» тIисса цIуцIавуртту къадияншиврул, ххалаххив бувантIишиву. Вай давуртту дувантIий дия ххюрагу шяраву. Вай шяраваллаву бия 2000-нния ливчусса гъаттара.

Читайте также: