ЛирчIми тIутIивгу ялун лирчунни

ЛирчIми тIутIивгу ялун лирчунни

Инсаннал оьрмугу, лагма­сса тIабиаьтралмур оьр­мугу ца ххуллул кIира зуману хъанан бикIай. Вай цаннин ца чара бакъа аьркинсса затруну бур. Мунияту жува жула кьинирдал чIунну тIабиаьтралми иширттащал архIал дацIан дуллан бикIару. Учиннуча, дусну бикIару. ТIабиаьтрал чIуннацIун бавхIуну бикIай жула къатта-къушлицIун буван аьркинми ишругу. Яла тIааьнмур чIуннив дикIай кIинтнил дякъия бизар хьуну, инт дучIансса му­тталух ялугьлагьимур. Мунияту жува, инт дучIайхту, мунил лишаннава цалчин цумур ялун личайрив ххал дуллан бикIару. Ми лишаннуну хъанан дикIай уртту-тIутIив.

Вана, май зурул цалчинсса гьантрай, цакьнира ххал хьусса тIутIал хъирив, ялун лирчунни: ччиккул тIутIив, оьлил тIутIив, Марияннул-макь ва цаймигу тIутIив. Ххувшаврил кьинирдай, цирда вирттаврал гьайкаллачIа дишиншиврул, хIарачат буллай, тIутIив тIитIлатIи дуллан бивкIунни сиреньгу.
«Илчилул» ххирасса буккулт, дустал, тIитIланнав зул оьрмурдал кьинирдавугу тIайлабацIурттал тIутIив, бахтти-талихIрал лахI­зарду.

Читайте также: