Ххувшаврил лишанну

Донецкаллал ва Луганскаллал республикартту дуруччаврин хас бувсса дяъвилул операциялуву гьуртту хъанахъисса аьралитурал чIарав бацIаву мурадрай, «Z» ва «V» х1арпирдал лишанну дусса баннерду лахъан дунни ЦIуссалакрал райондалул Культуралул къатрал чIирайн.

Акциялул сиптачиталну хьунни ЦIуссалакрал райондалул Жагьилтурал политикалул, спорт­рал ва туризмалул управлениялул зузалт.
Латин мазрайсса «Z» хIарп дур «ххувшаврихлу» тIисса мяъналийсса ва «V» хIарпгу — «гуж тIайлашивруву» бушиву исват буллалисса.

ДакIнийн бутанну, февраль зурул 24-нний Аьрасатнал Президент Владимир Путиннул Донбассрай дяъвилул хасъсса операция байбишинсса хIукму бувшиву. Шиккува кIицI лаган, Президентнал чIурчIав дурунни Аьрасатнал Федерациялул, властьрал кьаст дакъашиву Украиннал аьрщи ласунсса, Донецкаллал ва Луганскаллал республикарттал агьалинал чулухуннайсса оьсса режимрая мурахас хьун ччисса кIирагу республикалул бакIчитал Денис Пушилин ва Леонид Пасечников Аьрасатнал Президентная кумаг тIалав буллай бивкIшиврий.