Мяммал душ Керимова Роза

Апрельданул 3-нний, лахъи­сса хIаллай захIматну къашавайгу бивкIун, ахиратравун лавгунни ГьунчIукьатIрал шяравасса Мяммал душ Керимова Роза.
Бувну бур Роза 1927-ку шинал, шяраву сий дусса Мяммал ва ПатIиматлул кулпатраву. ЧIявусса оьрчIру бусса кулпат­раву Роза бивкIун бур хъунма-хъунмур, мунияту кушулул хъунмур хъаргу ванил хъачIунттай хьуну дур.
1941-ку шинал Розал марцIсса ххювардай къуртал бувну бур шяраву 7 класс. Шяравусса арамтал-учительтал фронтрайн тIайла бувккукун, школа ливчIун бур учительтал бакъа. 14 шинавусса Роза, хьхьичIунсса душ хIисаврай, тIайла бувккун бур Гъумуксса педучилищалувун, анаварну учительтал хIадур байсса курсирдайн.
Роза зун бивкIун бур начальный классирттахь дарсру дихьлай ГьунчIукьатIув яла захIматми дяъвилул шиннардий.
Ванил учениктурал мудангу пахрулий кIицI лагайссия «ва жул цалчинсса учительницар» тIий. Вайнная чIявуминная бувккунни бусравсса, цIа дан лайкьсса, пахру бан бучIисса инсантал.
Школалий бувсса захIматрахлу Роза лайкь хьуссар чIярусса наградарттан. Миннувух дур «За оборону Кавказа», «Буттал кIанттул цIанийсса Хъунмасса дяъвилул гьурттучи» тIиссагу.
Щар шайхту Роза Мяммаевна ласнащал, Керимов Жаруллагьлущал, УзбакIнавунмай бивзун бур. Дяъви сававну ххишала дуккаву дан къахьурчагу, 1960-ку шинал курсругу бувккуну, пенсиялийн букканцIа зий бивкIун бур Бухара шагьрулий бухгалтерну.
Бур миннал ххуйну тарбия дуллуну, дуккин бувсса кIия арс ва кIива душ.
Роза аьпалул хьусса хъунна­сса кьурчIишиву кIидачIлай, жижара буллай буру арсваврахь, душваврахь, миннал оьрчIахь, щалагу агьлу- авладрахь.
Имандалий лавгун лякъиннав, алжаннул ххари баннав, махънал оьрмурдай барачат бишиннав.
ГьунчIукьатIрал жямат

---

ХIусайннул арс Къардашхъал Жамалуттин

Мартрал 31-нний хар-хавар бакъасса бивкIулул ахиратравун лавсунни хъинсса дакI-аьмалданул, ххуйшиврул бутIа ххишалану буллусса чув, аьчухсса дакIнил заллу, чIявучин ххирасса инсан, ХIусайннул арс Къардашхъал Жамалуттин.

Жамалуттин увссар 1953-ку шинал мартрал 2-нний Гьун­чIу­кьатIув ХIусайннул ва Асиятлул кулпатраву.
Жамалуттин, буттал шяраву школагу къуртал бувну, кIира шинай армиягу лавхъун, зун ивкIссар Дагъусттаннал строительствалул управлениялул автобазалий. Совет заманнайсса МахIачкъалалив хъинну чан­сса дакъа-дакъахьунссар чIяру зивулийсса къатри Жамалуттин гьуртту къавхьуну дурсса.
1999-ку шинал буттал шяраву Хъун мизит цIу буккан баврил сиптачитурал кьюкьлуву Жамалуттин ивкIссар цалчинмур хху­ттай. ЦIу буккан бувсса мизит зун бивкIссар Заннал ххуллий.
Жамалуттин уссия Гьун­чIу­кьат1­рал ккурандалул чялиш­сса гьурттучигу. Ва чIарав авцIуссар, ка-кумаг бувссар жяматрал дуллалисса чIярусса давурттаву.
Жамалуттин уссия ххишала акъа дакI-аьмал хъинсса, инсантуращал нахIу-хIалимсса, ас-намусрал бутIа ххину буллу­сса хIакьсса зун­ттал чув. Ванал кьадру-кьимат лавайсса буссия щала жяматралгу, цала даврил уртакьтуралгу дянив.
Жамалуттиннул бия цувагу ххирасса, цанмагу ххирасса чIявусса дустал, кIула дусшиву дангу, дуруччингу.
Ванал цала кулпат ПатIимат­лущал ччинал хьурдай учинсса куццуй оьрму бувтссар. Мяърипатрай хъуни бувну, чивун буккан бувссар 4 оьрчI.
Жамалуттиннул бивкIулул къумашивугу кIидачIлай, дакIнийх­тунусса жижара буллай буру кулпат ПатIиматлухь, оьрчI-душ­ваврахь, махъсса цинявппагу мачча-ляхъиндалухь.
Цал хьхьичI алжаннул къапур­ду тIитIиннав, гьав нурданул ду­цIиннав! Ванан къабуллусса оьр­му оьрчIан булуннав!
ГьунчIукьатIрал жямат,
дустал, гьалмахтал

---

Рамазаннул арс Исупаев Леонид

Украиннал аьрщарай виричушиврий жан кьурван дурну, аьпалухьхьун лавгунни Рамазаннул арс Исупаев Леонид. Леонид увну ур 1994-ку шинал 2-мур ЦIувкIратусса Надеждал ва Ккуллал шяраватусса Рамазаннул кулпатраву. Ванал школа къуртал бувну бур Ваччав. Був­ккуну бур МахIачкъалаллал шяраваллил хозяйствалул техникумрал ветеринар факультет. Техникум бувккуну махъ къуллугъ буллай ивкIун ур Екатеринбурграй кьирийх бачай аьралуннаву. Яла тиккува авцIуну ур контрактникну. Къуллугъ буллали­сса мутталий ва лавхъун ур сержантнал чиндалийн, аьралитурал дянив ивкIун ур хIурматрай. Зунтталчунал хасиятрал лишанну цаву дусса, цума-цанналгу чIарав ацIан мудангу хIадурсса Леонид, пIякь увкусса снарядрая дус ххассал ан хьхьичIун ххявххун, цува оьрмулуцIа хьуну ур. Ванан Чувшиврул орден дулун­сса чагъар бувккун бур.
Къанясив баннав Аллагьнал щинчIавгу укун нязаннив­сса бивкIу.
Хъуннасса къумашивугу кIи­дачIлай, жижара буллай буру ванал нитти-буттахь, ссихь, буттарссурваврахь, ниттирссурваврахь, ниттиуссурваврахь, ссурахъаврахь, гъан-маччанахь, щалвагу агьлу-авладрахь.
Гьав нурданул дуцIиннав, алжан нясив баннав. Ванан къабуллусса оьрму махъминнан булуннав. Ва кьурчIишиву духIансса каши зул дакIурдихьхьун Заннал дулуннав!
КIилчинмур ЦIувкIуллал
жямат