Ватандалухасса балайрдал конкурс

Ватандалухасса балайрдал конкурс

Апрель зурул 22-нний Ваччавсса библиотекалул залдануву хьунни Ватандалухасса балайрдал конкурс. Ва хIасул дурну дия библиотекарттал каялувчи ХIажиаьлиева ПатIиматлул.

Конкурсравух гьуртту хьунни циняв шяраваллал библиотекарттал каялувчитал. Вайннал школалул оьрчIащал щаллу буллай бия ватандалун, жула вирттавран, ватандалухлу жанну дуллуминнан, утти, махъ, «Аьрасатнал Виричу» тIисса цIанин лайкь хьусса НурмахIаммад ХIажимахIаммадовлун хас бувсса шеърирду. Ялавайми ва лавайми классирттаву дуклакисса оьрчIру цивппагу циняв бия аьралий яннардаву, ва иширалгу конкурсрал сий хъиннура ягин дуллай дия.
ОьрчIал ккалаккисса шеърирдан, декламациярттан кьимат бишлай бия райондалул культуралул къатлул зузалт: МахIаммадова Асият, Рамазанова Гульжагьра, СалихIова Шавлухъ. ОьрчIру циняв хъинну хIарачат буллай бия шеърирду асар хьунну буккин. Жюрилул конкурсрал ахирданий дуруна укунсса жям: 1-мур кIану буллуна ЦIийшияхьхьун, 2-мур – Къяннахьхьун, 3-мур – Ваччияхьхьун ва Вихьуллахьхьун.

Читайте также: