Виричунан хас дурсса хьунабакьаву

Виричунан хас дурсса хьунабакьаву

Уттигъанну Ккуллал райондалул музейраву хьунни школарттал оьрчIащалсса хьунабакьаву.
Ва хас дурну дия Украиннаву нанисса хасъсса дяъвилул иширттаву цала жан кьурван дурсса «Аьрасатнал Виричу» тIисса цIанин лайкь хьусса ХIажимахIаммадов НурмахIаммадлул аьпалун. Музейрал директор Абакаров ТIагьирдул бувсуна Нурма­хIаммадлул дурсса чувшиврия. Ванал барчаллагь увкуна укунсса арс тарбия увсса нитти-буттахь, дарсру дихьлай бивкIсса учительтурахь.
Школалул оьрчIру кIул бувна жула тарихрая бусласисса музейравусса экспонатирттащалгу.
ОьрчIансса бахшишну хьуна, музейрал зузала Кьурбанов Сиражуттиннул дирхьусса Виричунал суратрацIух бавцIуну, суратру рищун бюхъаву.

Читайте также: