Март зурул 2-нний МахIачкъалалив Дусшиврул къатраву хьу­сса «Жагьилсса пишакартал» тIисса Региондалул VII-мур чемпионатрал хIасиллу дуллалисса мажлисрал ахирданий хьунни жагьилтурансса вакансиярттал ярмук1а. Мунил сакиншинначитал хьунни МахIачкъалаллал Агьали давурттал дузал байсса центр ва ДР-лул ЗахIматрал ва социал хьхьичIунмайшиврул министерствалул «Успех» тIисса Жагьилтал давурттал щаллу баврил центр.

Вакансиярттал ярмук1алий гьуртту хьунни ООО «Детский Абилити Центр», ООО «2ГИС», ГК «Инетхсофт», АО «Завод им. Гаджиева», «Вокруг света» тIисса туркомпания, ДРОО «Гильдия дизайнеров», ООО «Финанс-групп», «Грата» тIисса модельертурал академия, ООО «Центр обучения кулинарному искусству VIP Кулинария», ОАО «Денеб». Му бакъассагу, «Успех» центрданул вакилтурал баян бунни цала базалул биялалийсса вакансиярттая.
Вакансиярттал ярмаркалий баян бунни Санкт-Петербургуллал ООО «ОМЗ-Спецсталь» ва Набережные Челны шагьрулул ПАО «Камаз» компаниярттал чулухасса вакансиярттугу.