Мартрал 20-нний ДР-лул премьер-министр Аьбдулмуслим Аьбдулмуслимовлул каялувшиврий хьунни региондалий инвестициялул проектру бартдигьаврил хIакъиравусса батIаву.

Муний Аьбдулмуслим Аьбдулмуслимовлул бувсунни, Аьрасатнал ХIукуматрал тапшурлугърайн бувну, АьФ-лул Минэкономразвитиялул кабакьулийну, хIадур дурну душиву республикалул экономикалул лябуккулул модель республикалул 5 проектрал гьанулий.

Миннувун духлай дур 17 инвестициялул проект. Миннувух бур Каспийскаллал, ахъулссаннул ва ахънилссаннул, пюрунтирттал, промышленностьрал кластерду, мукунма «Усчитурал шагьру» тIисса стратегиялул проект, «Махачкала» аэропортрал реконструкциялул 2-мур ятIап.

«Билаятрай экономикалул тагьар захIматсса душавугу хIисавравун ларсун, аьркинни ми проектирдал приоритизация, паччахIлугърал цила багьайкунсса кумаг баву мурадрай, хаснува арцуйнусса кумаг баврил», – кунни Аьбдулмуслимовлул.

Ххал диргьусса проектирттавух дия укунсса проектру: «Каспийскаллал кластер лябуккан баву» мунищала туристътурал рекреациярттал укунсса комплексругу бувну: «Инчхе Марина Каспий», «Золотые пески», «Каспий», «Лазурный берег» ва цаймигу.