Март зурул 23-нний ЦIуссалакрал райондалул администрациялул экономикалул отделданул зузалт хIаласса комиссиялул ххал бивгьунни райондалийсса цаппара ттучаннайсса ва супермаркетирттайсса продуктылул ва кьай-кьуйлул багьри.
Райондалий, цIанакул билаятрай хIасул хьусса тагьар хIисавравун ларсун, гьарица нюжмардий ххал бигьлай бур ттучаннайсса багьри. Ва кьини комиссиялулгу ххал бивгьунни Ч1урттащиял шяравусса «Морозко» ва «Акбар» тIисса ттучаннал багьри. Исват хьунни лахъ хьуну бушиву качарданул, иникIмалул, ччатIул ва пархтIутIул нагьлил багьри.
Шиккува кIицI лаган, цIанасса ппурттуву дукиялул рынокрайсса багьрал хъирив бацIаву дуллайнма бур Дагъусттаннал ХIукуматралгу.
– ХIакьинусса жул мурадну хъанахъиссар савав дакъанма продуктылул багьри гьаз хьун къабитаврил ялув бацIаву. Умуд бур ишбажаранчитуралгу чара бакъа аьркинсса кьай-кьуйлул багьри лахъ къабулланссар тIисса, – увкунни Бирлиант Кьурбановал.
