Ва барта мяш, барта мяш!
Барта- къакъа, нацIу ччатI мяш!
Баргъ- гъарагъи дакьиннав!
Ппал гъаттарал буцIиннав,
Ттурзан яттил дуччиннав!

Сун лахъисса , чIали бучсса,
ЧIун буллугъсса,
Гьава ххуйсса,
Чан къабаннав! Гьарза баннав,
хъузалтрацIун бавкьу гьантри!
Хъу дюхъаннав,
Тта бюхъаннав,
Мюрщи оьрчIал щар дуцIиннав,
Зун-занансса цIуллушиву
хъуниминнахьхьун дулуннав!

Сурду къалмул ялтту наннав,
Ччат1ул кьимат кIул къабаннав,
Заннаяту барачатран,
ЦIуллушиву ххи дуваннав!

Къурнил хъуру мусил чIаллал,
Лухччинул чIан ццунсса урттул,
Газурду ттизайсса оьллал,
Ттурзанну буч бувсса яттил,
ЦIуллу-цIакьшиву чурххардин
Гьарза даннав,
Чан къабаннав,
Заннал чулуха барачат!