Фазу Аьлиевал назмурдал ссят

Фазу Аьлиевал назмурдал ссят

Ва зурул 18-нний МахIачкъалалив, «Россия – моя история» Тарихийсса паркраву, халкьуннал шаэр Фазу Аьлиевал 90 шинал юбилейран хасну «На лявхъуссара зунттал душну» тIисса мероприятие хьунни. Шикку гьурттушинна дунни республикалул миллатирттал политикалул ва динийсса иширттал министрнал врио Энрик Муслимовлул, Дагъусттаннал Хъаннил союзрал хъунмур Интизар Мамутаевал, Дагъусттаннал Чичултрал союзрал хъунаманал хъиривчув Марина АхIмадовал, «Женщина Дагестана» журналданул хъунама редактор Наида Каримовал.

Энрик Муслимовлул бувсунни Дагъусттаннал БакIчи Сергей Меликов каялувчисса Оргкомитетрал шаэрнал юбилейран хасну дувансса давурттал план дурну душиву ва хIакьинусса назмурдал ссятгу хъиндайдихьулунсса даву душиву. КIицI лавгунни Фазу Аьлиевал творчестволул хъунмасса бияла бушиву дагъусттаннал агьали рувхIанийсса ххазинарду хьхьичIунну тарбия бувавриву.
Марина АхIмадовал чIурчIав дунни, Фазу Аьлиева армиялун хасъсса назмурду ва поэмарду чичлай бивкIхьурчагу, ванил поэзия дяъвирдал, питнардал муттаэ бивкIшиврий. Бувсунни цуппа Фазул шеърирду оьрус мазрайн таржума буллай бушиву.
Наида Каримовал бувсунни чIярусса шиннардий «Женщина Дагестана» журналданул хъунама редакторнугу зий бивкIсса Фазу Аьлиева, сагъну бунийва бусалалувун багьсса поэтесса бакъагу, инсантурай дакIцIуцIаву дусса, коллектив цилва кулпат кунма ххирасса ва аякьалийсса бивкIшиву.
Фазу Аьлиевал арснал, «Лезгинка» ансамбльданул хъунама Жамбулат МахIаммадовлул барчаллагь увкунни бавтIцириннахь, кIицI лавгунни, ялун нанисса никирттангу цалва шаэртал кIулну бикIаншиврул, вайннал творчестволия бусласисса, назмурду ккалаккисса мероприятияртту дуллан аьркиншиву.

Аватар

Патимат Рамазанова

Заслуженный работник культуры РД

Читайте также: