Ца душнихь дарс дишин лагайсса учитель
Ираннаву гьар кьини учитель лагайсса ур цува заллусса машиналий школалийн бучIан къашайсса ца душнихь дарс дишин шяравун. Танал, цалва машиналия доска дурну, чичлай, дурчIин дувайсса дур дарсру. Вай дарсирдал суратру социал сетирдай ялу-ялун машгьур хъанай дур.
Дагъусттаннал бизнесменнал Лондоннай машан ларсун дур Рубол дирхьусса сурат
Дагъусттаннал бизнесменнал Лондоннайсса аукциондалий Ккавкказуллал дяъвилул иширттан хасну Франц Рубол дирхьусса «Штурм аула Ахульгол» суратрал эскиз машан ларсун дур. Ваних 8, 7 миллион буллуну бур. Меценатнал хъунмур мурадгу бур сурат Дагъусттаннайн диян дуван. Аьркинсса документру дузал бувну, сурат Дагъусттаннайн диян дуваннин ва цала цIа-бакI кIицI малагару тIий ур. ДакIнийн бутанну, «Штурм аула Ахульго» панорамалул оригинал къаяхьушиву, ванил мукьра фрагмент ПатIимат ХIамзатовал цIанийсса Республикалул музейраву душиву.
Аьрабусттаннай 870 дуснакьлув итаавкьуну ур байрандалул хатирданун
Аьрабусттаннал (ОАЭ) Президент, щайх Халифа бен Заед Аль Нахайянлул дуснакьирттавун авкьусса 870 инсаннай цIими бувну, ми итабакьинсса хIукму бувну бур. ЦачIунхьу Аьрабусттаннал Эмиратирттан 50 шин хъанай духьувкун, байрандалул хIурмат бувну. Ва ялагу, миннал цIу оьрму байбишиншиврул ва миннал кулпатирттал маэшат гьаз хьуншиврул мурахас бувну бур буржирдая ва дирхьусса аькIрая.
Чачаннал школарттай цалчинма президентнал биография лахьлан тIий бур
Чачаннаву школалул программалувун бувтун бур Чачаннал цалчинма президент АхIмад-хIажи Кадыровлул оьрмулул ххуллия бусласисса , архивравасса материаллал пособие. Региондалул кIулшиву дулаврил министрнал хъиривчу Илияс Таавлул баян бунни журналистътуран, луттираву балжину цалчинма президентная бувсун бушиву, ва му луттирал оьрчIаву ватандалухсса ччаву куртIгу, цIакьгу дувантIишиву.
