«Кару дугьанну, дустал!»

«Кару дугьанну, дустал!»

Декабрьданул 1-нния 3-ннийн бияннин жулла республикалий, щаллагу дунияллий кIицI лагайсса Инвалидтурал кьинилун хасну, най диркIссар «Возьмемся за руки, друзья!» тIисса цIанилусса форум-фестиваль. Ва сакин дурну дия ДР-лул Культуралул министерствалул, Республикалул Халкьуннал творчествалул къатлул, ДР-лул ЗахIматрал ва соцразвитиялул министерствалул МахIачкъала шагьрулул Администрациялущал ва Культуралул управлениялущал цачIуну.

КIулсса куццуй, щаллагу дунияллий декабрьданул 3-сса кьини кIицI лагай Инвалидтурал кьини. Ва форум-фестивальгу дуллалиссар цIуллу-сагъшиврул мушакъатминнал гьунарду ялун личин баву, творчество хьхьичIуннай даву, оьрчIру аслийсса культуралухух, халкьуннал творчествалухух гьан баву мурадрай.
Форум-фестивальданий гьуртту хьунни МахIачкъала шагьрулул ОьрчIал искусствалул школарттал ва шагьрулул Культуралул управлениялучIасса ОьрчIал филармониялул творчествалул коллективру ва таксса балайчитал.
Вай шаннагу кьини форум-фестивальданул гьурттучитурал концертру ккаккан дунни чIу ххуйну къабаяйсса оьрчIансса коррекциялул II журалул Школа-интернатрай, Республикалул «Журавлик» санаторийлий, балугъравун къабивсса оьрчIансса Реабилитациялул «Надежда» тIисса центрданий. Ва кьинилун хасъсса шадлугъру хьунни шагьрулул цайми-цайми идарарттайгу.

Читайте также: