Сентябрь зурул 15-нний, Дагъусттаннал агьалинал Цашиврул кьини увсса муфтиначIан, щайх Ахмад АфандиначIан ивунни республикалул хъунама Сергей Меликов.
Ванал барча унни муфти, кIира байран тIайла дарцIушиврий чIурчIавгу дурну. «ХIакьину, аьмсса байрандалуцIун, вил вилалусса байрангу дур. Ттунгу ва кьини ттула вил чулухунмайсса хIурмат ккаккан буван ва вин цIуллушиву чIа учин ччан бивкIунни», — увкунни Меликовлул. Ванал дакIний личIансса бахшишгу дуллунни муфтинан. Шиккува кIицI лаганну ва кьини дунияллул гьарцагу мурцIния най диркIшиву АхIмад-хIажи Аьбдуллаев барча уллалисса телеграммарду.
