Августрал 18-нний ДР-лул БувчIавурттал комиссиялул кIунурду бивчунни Дагъусттаннай ПаччахIлугърал Думалувунсса бувчIавуртту дуллалийни федерал сияхIирттавун ларсъсса политикалул партиярттал дянив, ца мандатрал бувчIавурттал округирттал кандидатътурал дянив, ДР-лул Халкьуннал Мажлисрал депутатшиврийнсса бувчIавуртту дуллалийни сияхIрайн лавсъсса кандидатътурал объединениярттал дянив украсса эфирданул ва кказитирттайсса кIанттурду бачIаврил хIакъираву.
КIунурду бичавриву гьуртту хьунни:
ФГУ ВГТРК ГТРК «Дагестан», телеканал «Россия 1», телеканал «Россия 24», радиостанция «Радио России», радиостанция «Вести ФМ», ГБУ РГВК «Дагестан»: телеканал РГВК «Дагестан», радио «Страна гор».
Уквасса печатьрал кIанттурду бачIаврил кIунурду бичавриву гьуртту хьунни республикалул паччахIлугърал 16 кказит.
Украсса эфирданул чIун ва кказитирттайсса кIанттурду бавчIуссар:
Аьрасатнал ПаччахIлугърал Думалувунсса депутатътурал бувчIавурттай Аьрасатнал ЦИК-рал кандидатътурал федерал сияхIирттавун ларсъсса 14 политикалул партиялух;
Аьрасатнал ПаччахIлугърал Думалувунсса депутатътурал бувчIавурттай ца мандатрал избирател округирттай сияхIрайн лавсъсса 27 кандидатнах;
ДР-лул Халкьуннал Мажлисрал депутатшиврийнсса кандидатътурал 5 бувчIавурттал объединениярттах.
КIунурду бичавриву гьуртту хьунни политикалул партиярттал вакилтал, ягу вихшала дирхьусса инсантал, ДР-лул БувчIавурттал комиссиялул члентал.
КIунурду бичаврил хIасиллайну дарчIуссар украсса эфирданул чIун политикалул партиярттал ва сияхIирттавун лавсъсса кандидатътурал цачIусса агитациялул мероприятияртту дуллан, агитациялул материаллу дихьлан, мукунна ккаккан дурну дур бувчIавурттал хьхьичIсса агитациялул материаллу дуккайсса чIун ва печатьрал кIанттул лагру.
СМИ-лий агитациялул чIун дайдихьлахьиссар августрал 21-нния сентябрьданул 17-нин. ПаччахIлугърал СМИ-лул кандидатътуран эфирданул чIун ва кказитирттайсса лагру дуллалиссар украгу, багьлухгу. Муниципал СМИ-лул, сетирттал изданиярттал – так багьлух.
