Аьрасатнаву, ларгмур шинал харжлугърах бурувгун, азарханардайн багьсса коронавирусрал къашайшалт хъин бан гьашинумур харжлугъ ххисса хьуну дур.
ФОМС-рал ххалбигьавурттайн бувну, ковидрал къашавайсса ца инсаннан 2021 шинал дянивну харж хъанай дур 135,4 азарда къуруш арцул. 2020 шинал тIурча, ца къашайшалан хIисавну дур 115 азаруннийн дирсса арцу. Коронавирусрал азарданул къакъашавайсса, укунасса къашайшалан дянивну гьа шайсса дур 41,5 азаруннийн дирсса арцу.
2021 шинал цалчинми ряхва зурул мутталий Аьрасатнаву коронавирусрал къашайшалт хъин бан харж хьуну дур 218 миллиард арцул, миннува 208,8 миллиард харж хьуну бур стационардай хъин буллалавурттах. Фондрал ххалбигьавурттайн бувну, шинал ахирданий ливчIсса ряхва зурул мутталий харж хьунтIий бур 111 миллиард арцул.
Аьрасатнаву июньдалул 23-нния хIакьинунин цалчин хIисав хьуну бур коронавирусрал къашайшалт чан хьушиву – ца хьхьу-кьини къашай хьуну бур 19 азаруннияр чансса инсантал.
