ЧIяйннал шяраваллил Культуралул къатраву хьунни школалул оьрчIащал ва бугьараминнащалсса хьунабакьаву. Му хьунабакьаву хас дурну дия терроризмалийн къарши буккаврин, му хьун къадитаншиврул бурувччуну бикIаврин.

– Терроризм ккалли хъанай дур дунияллийсса инсантурал паракьатсса оьрмулун нигьачIисса, паччахIлугъирттал инсантурал дянивсса дусшиву лиян дуллалисса апатIну. Школалул оьрчIащал, жяматращал хьунаакьин увкIун ия ЧIяйннал шяраваллил участкалул инспектор ЯхIияев Назим.
– Жула цинявннал аьмсса мурадну хъанахъиссар райондалий яхъанахъисса жагьилтал террористурал кьюкьравун кIункIу буван къабитаву. Му мурад биттур буваншиврул жунма аьркинссар бувчIин буллан дуклаки оьрчIан ва жагьилтуран терроризмалул биян буллалисса баларду цирив, цукунссарив. Жагьилтуращал дачин дуллан аьркинссар ми спортрал, культуралул иширттавух, жяматийсса иширттавух машхул буллаврил давуртту. Жагьилтал чIявучин хайрсса давурттувух гьурттуну бухьурча, му миннан цанмагу оьрмулуву ххуй чулий ккаккантIиссар. Жулами дакIругу паракьатну дикIантIиссар, – куна Назимлул.
Хьуна мукунма бавтIминнал чулухасса ихтилатругу.

СалихIат Алхасова, ЧIяйннал Культуралул къатрал каялувчи