Вай гьантрай ЦIуссалакрал райондалий трансформатордал станцияртту ва ттукIрал ххаллу дакьин дуллай байбивхьунни. Дагъусттаннал районнал муниципалитетирттай ссутилнинсса ва кIинттулнинсса хIадуршиннарду дуллай, «Россети Северный Кавказ» — «Дагэнерголул» чялишну дачин дурну дур трансформаторду низамрайн дуцлацисса давуртту.

[dropcap]М[/dropcap]уницIун бавхIуну «Россети Северный Кавказ» компаниялул энергетиктал бур ЦIуссалакрал райондалийсса щархъаву ттукIрал ххаллу даххана дуллай ва трансформаторду бакьин буллай.
РЭС-рал энергетиктурал дуллалисса давурттавасса яла агьамми хъанай дур гьаваллавухсса ттукIрал ххаллу даххана даву ва трансформаторду бакьин баву.

2021-2022 шиннардий компаниялул дан ккаккан бувсса давурттал пландалийн бувну, ЦIуссалакрал райондалий мукьва подстанциялий гьануцIакул цIу буккан бунни трансформаторду. КIи дайдишиннин ЦIуссалакрал райондалийсса мукьра цаймигу шяраву бакьин бан най бур трансформаторду.

[dropcap]М[/dropcap]у бакъассагу, хIакьинусса кьини ТIюхчардал шяравун лавсун бувкIун бур бух хьуминнун кIанттай бишинсса ттукIрал ххаллансса тталлу. КIинттул инсантал чани лешлай азурда къахьуншиврул, энергокомпаниялул зузалт цIанакулва байбивхьуну бур вай давурттаха зий.

– Жул даврил агьаммур мурадну хъанахъиссар агьали ттук1рал дузал баву, подстанциярттай аварияртту хьун къаритаву. Энергетиктурал давриву хьунадакьлай диркIсса захIматшивурттугу хIисавравун ларсун, ми духлаган даву мурадрайсса давуртту дуллай буссар жул зузалт, – тIий ур Ухссавнил РЭС-рал хъунама Рашид МахIаммадов.

Аьйшат Аьбдуллаева