Июнь зурул 6-нний ЦIуминалийсса ЦIуссалакрал шяравусса гимнастикалул спортзалдануву хьунни «IZUNI NOVOIAK» клубрал кубокрал заварду ласаврил цIанийсса дзюдорал турнир.
Турнирданул бяст-ччаллавух гьуртту хьунни 2010-2012 шиннардий бувсса оьрчIру. Вай бяст-ччаллаву, Дагъусттанная бакъассагу, гьуртту хьунни Чачаннал Республикалиясса ва Ашттархан шагьрулиясса спортсментал.
Шадлугърал даражалий турнирданул бяст-ччаллу байбихьлай, чIава спортсментуран тIайлабацIуртту чIа тIутIисса ихтилатру бунни ЦIуссалакрал райондалул ДЮСШ-рал директор Анзор Абакаровлул ва 1-мур ДЮСШ-рал директор Сергей Аьлимовлул. Ва кьини шиккун бувкIсса цинявппагу хъамаллуралгу кIицI лавгунни ва барчаллагь увкунни лавайсса даражалий турнир сакин дурсса спортшколардал каялувчитурахь.
ЦIуссалакрал райондалул чIава дзюдоистътурал ва ххуллухсса бяст-ччаллавугу хьхьичIунсса хIасиллу дунни.
Цалчинмур кIану бувгьунни КьурбанмахIаммадов Рамазаннул, кIилчинсса кIану – Иллуев Исламлул ва шамилчинсса кIану бавчIунни Абакаров Амирдуйх ва Юсупов Зурпукьардуйх.
