Гьашину Дагъусттаннай 35 выпускникнал Цасса паччахIлугърал экзаменнай лавсун бур 100 балл.
[dropcap]В[/dropcap]ай экзаменнава яла бигьану дуллусса хьуну дур оьрус мазрал экзамен. Оьрус мазрал экзамендалий 31 выпускникнал лавсун бур 100 балл. Мукьуннал ларайсса хIасиллу дурну дур литературалул.
Мукунна вай гьантрай хIасиллу дунни химиялул ва географиялул экзаменналгу.
Дагъусттаннал кIулшивуртту дулаврил ва элмулул министрнал бигарду биттур буллалисса ЯхIия Бучаевлул бувсунни экзаменну най диркIсса пунктирдай хьушиву чIявусса низам лиян дурсса ишру. Ванал мукунма кIицI лавгунни ххуттава бувксса кIанттурду хьусса районну.
[dropcap]М[/dropcap]инистрнал пахрулий кIицI лавгунни гьашину оьрус мазрал экзамендалул 100 балл лавсъсса, А. Х. Жанибековлул цIанийсса Терекли-Мектеб школалул выпускница Айсель Кокурова. Ванил махъ бакъа лайкь бунни оьрус мазрал экзамендалул 100 балл. Айселлул Аьрасатнал хьхьичIунсса ВУЗ-равун буххансса ниятрай цила хьхьичI бивхьусса мурад бартлаган бунни. Ванин оьрчIнийва ччай бивкIун бур бюджетрал, экономикалул ва финансирттал аралувусса пишакар хьун.
Шинал лажиндарай Айсель хIадур хъанай бивкIун бур «Умскул» тIисса школалий Александр Долгиннул буллай бивкIсса онлайн вебинардай. Вай вебинардал кумаграйну Айселлун бигьану лавхьхьуну бур оьрус маз.
Мадина Темирханова
