Буттал кIанттул цIанийсса Хъунмасса дяъви байбивхьусса июнь зурул 22-мур кьини жула билаятрал тарихраву пашмансса лажин чирчусса   кьини дур.

[dropcap]Т[/dropcap]а дяъвилий Ватан дуручлай жанну дуллуми дакIнийн бичлай, ва кьини щалагу жула билаятрай лахъайссар Аьпалул чирахъру. «Аьпалул чирахъ» акция хьунни Хъювхъиял шяравугу. Акция сакин бувну бия  Ккуллал райондалул Культуралул центрданул Хъювхъавсса филиалданул художествалул каялувчи Сапижат МахIаммадовал.

[dropcap]Б[/dropcap]уттал кIанттул цIанийсса Хъунмасса дяъвилия, совет аьралуннал къучагъшивурттая ва Ватан дуручлай жанну дуллусса Хъювхъиял вирттаврая бусласисса ихтилатру бунни  филиалданул хъунмур Рукьижат Оьмаевал ва «Хъювхъи-багъ» школалул тарихрал учитель Магьдикаят МахIмудовал. Дуклаки оьрчIал дурккунни Ватандалухасса назмурду, бувсунни Бу­ттал кIанттул цIанийсса Хъунма­сса дяъвилул лахIзардая.

Дяъвилий жанну дуллуми дакIнийн бичлай, хъуниминнал ва мюрщиминнал, аьпалул чирахъругу лавхъун, дяъвилия зана къавхьуминнансса гьайкалдануцI дирхьунни тIутIив.

Амина Юсупова