Дагъусттаннал Халкьуннал Мажлисрал 59-мур сессиялий парламентрал спикер Хизри Шихсаэдов къуллугърая укьаву кьамул бунни чIурду булаврийну: 64 депутатнал рязисса чIурду буллунни, 2 – къарязисса. Ца депутатнал дургьунни дя. ЧIумуйну республикалул парламентрал хъунаману зунтIий ур Шихсаэдовлул хъиривчуну зий ивкIсса СайгидахIмад АхIмадов.
Ванал барчаллагь увкунни 8 шинал лажиндарай республикалул законну цIакь дуваврил базалул даву гьаз дурсса ва цайми регионнал парламентирттащал хIала-гьурттуну зий ивкIсса Хизри Шихсаэдовлухь.
«Хизри Исяевич республикалий ххуй-ххуйсса, жаваблувсса къуллугъирттай зий уссия, ванал даврил биялсса опыт буссар, барчаллагьрансса давуртту цикссагу дурссар», – увкунни АхIмадовлул.
