В.П. Сербскийл цIанийсса психиатриялул ва наркологиялул НМИЦ-рал (Национальный медицинский исследовательский центр) пишакартурал ххал бунни Сириянава ва Иракьнава аьрали ишру нанисса кIанттурдая буккан бувсса оьрчIру.
[dropcap]О[/dropcap]ьрчIал диагностика дуллалисса хIакинтурал бригадалий каялувшиву дуллай ия Центрданул генеральный директорнал хъиривчу Александр Козлов. Ва ххаллилсса даврил сакиншинначитал хьунни ДР-лул ЦIуллу-сагъшиву дуруччаврил министерство ва Дагъусттаннал БакIчиначIасса Кулпат, нинушиву ва оьрчIал ихтиярду дуруччаврил уполномоченный Марина Ежова.
ЦIанасса чIумал Дагъусттаннай бур дяъвирду нанисса кIанттурдая бувцусса 180 оьрчI. Вайннал цIуллу-сагъшиврул тагьар ххал дуллай бур 10 пишакарная хьусса бригада. Вайннаву бур неврологтал, психотерапевтътал, оьрчIал психиатртал, психологтал, ур хIакин-биохимикгума.
[dropcap]Т[/dropcap]а захIматсса тагьарданий бивкIсса оьрчIай хъуннасса стресс хьуну, хьунабакьай психика зия хьусса оьрчIру. Укунсса тагьарданий чIумуй бувсса кумаграл хъунмасса иш буссар.
– Цалчинсса кьини хIакинтурал кьамул буллай буссия оьрчIру, миннал нину-ппу ягу опекунтал МахIачкъалалив, ОьрчIал ва мюрщи жагьилтурал нервардал ва психикалул цIуллушиву дуруччайсса республикалул центрданий.
Хъиривсса кIира кьини вай зий буссия Къизилюртлив, яла Дарбантлив. Шанмагу шагьрулий оьрчIру сайки циняв пишакартурал мюрш бивкIун ххал бувссар. Миннан аьркинсса дарув-дарман чивчуссар. Ккаккан дурссар цукунсса реабилитациялул давуртту дулланссарив миннащал, – бувсунни Дагъусттаннал цIуллу-сагъшиву дуруччаврил министрнал хъиривчу Раиса Шахсиновал.
