Михаил Мишустин ивунни Дарбантлив

Апрельданул 14-нний Дагъусттаннайн къуллугърал аьрххилий увкIсса АьФ-лул ХIукуматрал Председатель Михаил Мишустин Дагъусттаннал БакIчи Сергей Меликовлущал арх1ал ивунни Дарбантлив ва ххал бивгьунни му шагьрулул эмаратран ккаллисса «Нарын-Къала», кIул хьунни аьвзалзаманнул шагьрулул лябуккулул пландалущал.

БакIрайра дурсса ккаккиярттайну, Дарбантуллал лябуккулул план бартдигьинну харж дуван аьркинну дур 330 млрд къуруш. Ми федерал бюджетравату личIи дурсса арцу харж дантIий дур коммуннал, инженер, транспортрал, рекреациялул, социал ва спортрал инфраструктурартту дуван.
Михаил Мишустиннул бувсунни, цуксса хъуннасса мяъна дуссарив ва аьвзалзаманнул шагьрулий тамансса дузалшиннарду даврил. Мунал мукунма бувсунни миккун харж дуллали­сса арцул ялувбацIаву жяматралгу дуллан аьркиншиву.
ДакIнийн бутанну, апрельданул 14-нний Дагъусттаннайн увкIун ивкIшиву премьер-министр Михаил Мишустин, мунащал архIал бивзушиву вице-премьер Юрий Трутнев ва цаппара Аьрасатнал Федерациялул министртал.