[dropcap]Ф[/dropcap]евральданул 2-нний республикалул премьер-министрнал буржру ч1умуйну биттур буллалисса Нюсрет Оьмаровлул каялувшиврий ххал диргьунни ДР-лул 2024-мур шинайнсса ва пландалий 2030 шинайннинсса республикалул Социал стратегиялул проект.
Муний бищунтIий бур республикалул социал-экономика лядуккаврил агьамми ккаккиярттан ва каширдан кьимат, ккаккан дантIий дур Стратегия лядуккаврил приоритетру ва Стратегия дузрайн дуккан дурну махъ хьунтIисса хIасиллу, мунил мурадру ва дузрайн буккан буван аьркинсса масъалартту.
Республика лядуккаврил Стратегиялул мурадну ккаккан бувну бур дагъусттанлувтурал оьрмулул даража лахъ баву, зузи кIанттурду гьарза баву, харжру лайкьсса даражалийн биян баву, цIуллушиву дуруччаврил ва дуккаврил хIаллихшинну ххуй-хъин даву, ялапар шаврил ва ЖКХ-лул шартIру къулайсса даву.
Нюсрет Оьмаровлул тIимунийну, цIанасса ппурттуву зий бур Стратегиялул 1-мур редакция хIадур бавриха.
Масъала ххал бигьаврий гьуртту хьунни профилсса министерстварттал ва идарарттал каялувчитал, элмийсса ва жяматийсса идарарттал вакилтал, экспертътал.
