Халкьуннал канил пишарду бухлаган къабитаву, ми махъа нанисса никирттайнгу биян баву мурадрай, Республикалул Халкьуннал творчествалул къатлул чIун-чIумуй бувай халкьуннал канил пишардал мастер-классру. Вай гьантрай Кулпатран ва оьрчIан социал кумаг баврил центрданий хьунни му журалул даву, ва ххуллух – бархъаллал тIахIунтту даврилмур мастер-класс. Му бачин бувну бия Республикалул Халкьуннал творчествалул къатлул пишакар Земфира Мусаева.

[dropcap]О[/dropcap]ьрчIру гъирарай вичIи дирхьуну бия Земфирал бусласимуних, Ахъушиял райондалийсса Бархъаллал шяраваллил жяматрал аьвзалзаманная шиннайрасса касмулиясса бусавурттах. Мунил цилла карунних дурсса тIахIни пишкаш дуруна оьрчIан. Муния махъ, усттарнал каруннал дуллалимуних личIлулну буруглайгу бивкIун, оьрчIал цалва хIарачатрацIухгу дуруна хъуни дакъасса тIахIунттив.

Бархъаллал тIахIунтту даврил мастер-классрай гьуртту хьунни ахIвал-хIал кIюласса кулпатирттавасса 20-нния ливчусса оьрчIру.