[dropcap]Я[/dropcap]нварь зурул 27-нний Дагъусттаннай байбивхьунни «МыВместе с заботой» тIисса Щалагуаьрасатнал акция. Акциялул даврил лагрулуву волонтертал-медиктурал буссар инсантурахь коронавирусрал инфекциялия буруччаву мурадрайсса прививккартту давриясса бувчIин бавуртту дуллай.
Агьалинахь прививкартту чув дантIиссарив ва цуминнан дан бучIи къабуллай буссарив бусласисса пунктру тIивтIуну буссар МахIачкъалалив Лениннул цIанийсса майданнив ва «Сити» машлул центрданий. Волонтертал буссар агьалинан коронавирусрал инфекциялия мюнчан шаву мурадрайсса прививкартту давриясса информацияртту бусса буклетру бачIлай. Мукунма волонтертал буссар инсантурал давленияртту дуцлай, гьуттурдавусса кислородрал тагьар ххал дуллай. «Мы вместе» тIисса региондалул клубрал каялувчи Карина Бамматовал бусаврийн бувну, чIал къавхьуну вакцинардаясса информацияртту бусласисса точкарду тIитIин най бур республикалул цинявппагу шагьрурдай.
«Инсантурал чялишсса гьурттушинна дуллай букIлай бур информацирттал пунктирдайн. Шикку вакцинардаясса информацияртту бакъассагу, агьалинаща кIул бан бюхълай бур гьурттурдавусса кислородрал тагьар, оьттул давление. Вай центрду тIитIаврил агьанмур мурадгу хъанахъиссар агьалинахь вакциналуясса тIайласса информацияртту бусаву, хаснува оьрмулул бугьара хьуминнахь. Му бакъассагу, агьалинал чулухасса суаллан жавабру дулаву. Волонтертурал кумаг бантIиссар ГосуслугарттайхчIин вакцина бан аьрза чичин ччиминнагу», – увкунни Бамматовал.
Акциялул сиптачитал хьунни «Волонтеры-медики» тIисса региондалул жяматийсса суккушиннарал отделение ва #МыВместе тIисса региондалул кумагру баврил акциярттал штаб.
