АхIмад-Хан Султаннул цIанийсса МахIачкъалаллал аэропортрая Utair авиакомпаниялул февраль зурул 16-нний ц1униц1акул дайдишин най дур ИстIамливсса рейсру дуллай. Аэропортрал директорнал кумагчи Мурад Шамсуттиновлул кIицI лавгунни, дунияллий пандемиялуцIун дархIусса тагьар хIасул шаврийн бувну, дазул кьатIувсса ва Аьрасатнал шагьрурдайнсса рейсру дацIан дурну диркIшиву.
– Утти, февраль зурул 16-нний, Utair авиакомпаниялул цIуницIакул щаллу дуллан най бур Туркнавунсса рейсру. Рейсру дуллантIиссар нюжмардий кIийлла, тталат ва хамискьинирдай, кIюрххил ссят 6:00 хьусса чIумал. Ва рейсрайнсса билетру буссар бахлай, – увкунни Шамсуттиновлул.
АхIмад-Хан Султаннул цIанийсса МахIачкъалаллал аэропорт Дагъусттаннай хIакьинусса кьини бувагу бусса ца аэропортри. Шикку ца ссятрал мутталий Аьрасатнал шагьрурдайнсса рейсирдайн кьамул айссар 200 пассажир, чил билаятирттайнсса рейсирдайн – 60 пассажир.
