Дагъусттаннал шаэртурал шеърирду ниттил мазурдий ккалаккисса «Дагестан, мой край родной!» тIисса конкурсрал хIасиллу дунни.
Ва конкурс цуппагу Республикалул Национал политикалулсса ва динийсса иширтталсса байсса министерствалул сипталийнусса конкурсри. Ваниву гьурттушинна дуван хьуссар, Дагъусттаннайминнаща бакъагу, Аьрасатнал ччимур региондалий ялапар хъанахъиминнаща, ниттил мазрай назмурду ккалаккисса видео гьан дурну. Конкурс хас бувну бур Дагъусттаннай автономия цIакь дурну 100 шин шаврин. Ххув хьуминнан булунтIиссар дипломру ва бахшишру. Ххув хьуминнавух бур ЦIуссалакрал шяраватусса Рабаданова Аьзизагу. Ванил бувккуну бур лакку мазрайсса шеъри.
