ДР-лул БакIчи Сергей Меликовлул ХIукмулийну ДР-лул ХIукуматрал Председательнал цалчинма хъиривчуну ивтунни Эмеев Батир Эмейл арс.
Батир Эмеев увну ур 1984 шинал Къизилюртлив, 2007 шинал къуртал бувну бур «Российский университет дружбы народов», «Мировая экономика» тIисса сянатрай. 2020 шинал июльданий ивтун ур ДР-лул промышленностьрал ва машлул министрну.
ДР-лул ХIукуматрал Председательнал цалчинма хъиривчуну ивтунни Оьмаров Нюсрет МахIаммадлул арс.
Нюсрет Оьмаров увну ур 1971 шинал Хивуллал райондалий Куштиллал шяраву. 1993 шинал къуртал бувну бур Дагъусттаннал шяраваллил хозяйствалул институт, лавхьхьуну бур экономист-организаторнал пиша. 2019 шиная 2020 шинал декабрьданийнин зий ивкIун ур ДР-лул БакIчинал ва ХIукуматрал Администрациялул каялувчинал хъиривчуну.
ДР-лул ХIукуматрал Председательнал хъиривчуну ивтунни Телякавов Муслим Пашанал арс.
Муслим Телякавов увну ур 1970 шинал Украиннал ССР-даний, Львов шагьрулий.1992 шинал къуртал бувну бур Дагъусттаннал политехнический институт. 2013-2020 шиннардий зий ивкIун ур ДР- лул Культуралул министрнал цалчинма хъиривчуну.
ДР-лул информациялул ва печатьрал министрну ивтунниХIажиев УмархIусман ХIайбуллал арс.
УмархIусман ХIажиев увну ур 1959 шинал Къарабудахккантуллал шяраву. Къуртал бувну бур Дагъусттаннал паччахIлугърал университетрал филологиялул факультет ва Ленинградуллал университетрал журналистикалул факультет.
2014 шиная шийнай зий ивкIссар «Издательский дом» Дагестан» тIисса ДР-лул ГАУ-лул каялувчину.
ДР-лул цифрардал лябуккулул министрну ивтунни Снегирев Сергей Владимирдул арс.
Сергей Снегирев увну ур 1975 шинал Тверь шагьрулий.1999 шинал къуртал бувну бур Тверьдал паччахIлугърал университет. 2018 шинал ивтун ур ДР-лул информатизациялул, дахIавурттал ва агьалинансса коммуникациярттал министрну.
ДР-лул промышленностьрал ва машлул министрну ивтунни Халилов Низам РахIманнул арс.
Низам Халилов увну ур Бакуй1977 шинал. Бувккуну бур Женевалий Дунияллул халкьуннал дянивсса университет. Зий ивкIун ур “Лукойл”компаниялул трейдерну. Муния махъ зий ивкIун ур цала буттал Искендер Халиловлул компаниялий.
ДР-лул аьрщарал ва хъус-хъиншивурттал арардал министрну ивтунни Эминов Заур Эминнул арс.
Заур Эминов увну ур 1974 шинал Дарбантлив.1995 шинал къуртал бувну бур Дагъусттаннал педуниверситет. 2019 шинал зий ивкIун ур Дарбантуллал администрацияул бакIчинал хъиривчуну.
ДР-лул шяраваллил хозяйствалул ва бакIлахъиялул министрну ивтунни Батталов Баттал ВахIидлул арс . Баттал Батталов увну ур 1956 шинал Буйнакскалий.1978 шинал къуртал бувну бур Башкирнал шяраваллил хозяйствалул институт. 2002 шинал бувккуну бур финансирттал ва правалул институт. 2019 -2020 шиннардий зий ивкIун ур ДР-лул ХIукуматрал Председательнал маслихIатчину.
ДР-лул энергетикалул ва ЖКХ-лул министрну ивтунни Можонц Манвел Людвиглул арс.
Бувккуну бур Голицыннай Дазулул аьраяллил ва политикалул училище ва МГУ-лул философиялул факультет. 2012 шиная шинай зий ивкIун ур “Омскэлектро” ОАО-лул гендиректорну.
