«Къиргъу» машлул къатлул «Green Park» цIанилусса Садовый центрдануву, ДАССР сакин хьуну 100 шин шаврин хасну, февральданул 10-нния 14-ннийнин най дия «Культуралул кьинирду».

Ми дайдихьлахьисса шадлугърай гьурттушинна дурна «Къиргъу» компаниялул гендиректор АхIмад Муртузялиевлул, ДР-лул жагьилтурал иширттал министр Камил Сяидовлул, спортрал ва туризмалул комитетрал председатель Мурат Пайзуллаевлул.

Садовый центрданий хьунни республикалул художниктурал, художествалул училищалул педагогтурал, выпускниктурал ва студентътурал суратирттал выставка. Вай кьинирдай шивун увкIманаща бюхълай бия Да­гъусттаннал паччахIлугърал Т. Мурадовлул цIанийсса филармониялул коллективрал щаллу буллалисса музыкалул произведениярттах вичIи дишингу.
Шикку гьарца кьини буллай бия графикалул, бартбисуртту щащаврил ва цаймигу канил пишардал мастер-классругу.