Ислам МахIачев иянтIий ур Дрю Добера тIисса американал иющал мартрал 6-нний Лас-Вегасрай хьунтIисса UFC-рал турнирданий. Ми биянтIий бур чурххал куклумур дуциндарай.
Жула июл ттинин дурну дур 19 дандиуккаву ММА-лул даражалий, ххув хьуну ур 18-ла ва увагу цал ух хьуну ур. Добер тIурча, хIала-ккаласса дандибуккавурттаву 23-ла ххув хьуну ур ва 9-ла ух хьуну ур.
Ислам МахIачев чурххал куклумур дуциндарай UFC-раву ур 13-мур ххуттай, американал ию ур 15-мур ххуттай.
Шиккува бусан, ва турнирданий дандиуккантIий ур Дагъусттаннал цамагу ию Аскар Аскаров, му иянтIий ур Жосеф Бенавидеслущал.
