Аьрасатнал Президент Владимир Путиннул дагъусттанлувтал барча бунни ДАССР сакин хьуну 100 шин шаврил кьинилуцIун.
«Ттуршукурдал манзилданий Дагъусттан хьуссар чIявусса халкьуннан ичIалуну. Миннал авадансса тарихрал ирс, аьдатру ва дузалшиндарансса захIматрахсса ччаву, цала кулпатрахсса аякьалийсса ара най дур никирая никирайн.
ХIакьинусса кьинигу зу бусравну ябуллай буру ми адав-мяърипатрайсса ххазинарду. ЗучIа даиман бусравну бур цIа дурксса ватанлувтал – аьлимтал, спортсментал, паччахIлугърал ишккаккулт, виртталсса аьраличалт.
Республикалул ялапарлувтурал яла хъинми хасиятру, миннал чувшиву ва кьянкьашиву чIалачIи хьуссар дунияллул халкьуннал дянивсса терроризмалущалсса талатавриву, зу сивсуну бувксса чIумал Дагъусттан ва Аьрасат буруччин.
На зун чIа тIий ура тIайлабацIуртту, тIутIайх бичаву ва жулла Буттал Ватандалун ва Дагъусттан Республикалун хъиншивурттансса планну бартлагаву», тIий бур барча баврий.
