Яла язима хIакин

[dropcap]В[/dropcap]ай гьантрай ДР-лул ЦIуллу-сагъшиву дуруччаврил министерствалий хьунни 2020 шинал хIасиллайн бувну яла язима хIакин ва дянивсса медициналул зузала личIи уллалисса щалагу Аьрасатнал конкурсрал регионал этапрай ххув хьуми барча буллалисса батIаву.


20 номинациялул конкурсрай хасъсса комиссиялул язи бувгьуну бур пишакаршиврул усттаршиврухлу лахъсса баллу лавсъсса пишакартал.
Ххув хьуминнан бахшишру дуллунни ДР-лул цIуллу-сагъшиву дуруччаврил министрнал буржру биттур буллалисса Татьяна Беляевал. 

«Лучший руководитель медицинского учреждения 2020 года» цIанин лайкь хьуну ур Республикалул анаварсса кумаграл азарханалул хъунама хIакин МахIаммад Иманаьлиев.
Шикку зун учIаннин МахIаммад Иманаьлиев зий ивкIун ур Москавливсса азарханалул хъунама хIакинну.

Ванаща бювхъуну бур анаварсса кумаграл даву, ттизаманнул кьяйдарду ишла дуллай байбивхьуну, цIусса даражалийн дуцин.
Идаралий зий бур федерал центрдай зузаврил бюхъу бусса лавайсса даражалул пишакартал, къашайшалт хъин баврицIун шиккувасса хIакинтурал пишакаршиву ларай дангу кумаг буллалисса.
Центрданий хьхьичIунсса даражалий зий дур нейрохирургиялул, рентгенэндоваскулярный хирургиялул, лапароскопическийсса хирургиялул отделенияртту.