ХхюлусмаоьрчIал дунияллул даражалийсса ххувшаву

Рамазан Акаев ХIабиб НурмахIаммадовлущал

Уттигъанну, январьданул 15-нний, ОАЭ-лул Абу-Даби шагьрулий хьусса дунияллул халкьуннал дянивсса турнирданий гьуртту хьуну, укун бунияласса биявурттаву цалчинсса ияву – дебют хьунни жула лакку оьрчI Рамазан Акаевлулгу. Филиппинец Рей Насиналислущал иян увккун, Рамазан ххув хьунни, бугъ уллалисса прием дурну.


Увну ур Рамазан январьданул 10-нний 1998-ку шинал Ххюлуссуннал шяраву, Акаев Сагъирдул ва Аьлиятлул кулпатраву. Буттал шяраву 9 классгу къуртал бувну, гайми классру був­ккуну бур Гъумучиял дянивмур даражалул школалий. Школагу къуртал бувну, дуклан увххун ур Шяраваллил хозяйствалул колледжравун. Мугу къуртал бувну, увххун ур Шяраваллил хозяйствалул академиялувун. ЦIанасса чIумал Рамазан дуклай ур му академиялул экономикалул факультетрал 4-мур курсирай. Рамазаннул нину-ппу учительтал бур, зий бур Ххюлуссуннал школалий.

Спортрахун Рамазан унгу-унгуну агьну ур школа къуртал бувну махъ, хIатта муниннингу мудана спортраву ивкIнугу. Уттинин республикалул, билаятрал даражалийсса бяст-ччаллай гьуртту хьурчагу, миннуй ххувшавуртту ласурчагу, дунияллул халкьуннал дянивсса даражалийсса турнирданий Рамазан цалчин гьуртту хьуссар, укун бунияласса ххувшавугу цалчин­ссар. Шиккува кIицI лаган, машгьурсса ию Ислам МахIачев Рамазаннул ссурахъур. Архну къалавгна, спортраву эбрат ласунмагу Рамазаннул итталува ур.

Хъуннасса цалчинсса ххувшаву барчагу дуллай, чIа тIий буру Рамазаннун вания тинмайгу гьарца дуллалимуниву тIайлабацIу, дуккавривугу, спортравугу чIяру-чIярусса ххувшавуртту.