ЦIушинал байрандалул бухкIуллий ххуй-ххуйсса давуртту дуллалисса «Инсан» фондрал вакилтал вай гьантрай бивунни Дагъусттаннал оьрчIал азарханалий онкологиялул азарду хъин дуллалисса отделениялийн, оьрчIан ссайгъатругу лавсун.

[dropcap]В[/dropcap]айннал цала тIийкун, ца лахIзалийссавагу оьрчIан та­лихI булун, ххари буван, вайннал пашмансса симаннай пиш кка­ккан. Вай оьрчIаву оьрчIшиву азарханалийра наниссагу бу­ссар. Байраннугу азарханалий дувайсса. Вай оьрчIру планшетру, смартфонну, ноутбукру хьурдай тIий бакъассар.

[dropcap]В[/dropcap]айгу, вайннал гъанциригу буссар къюву да­къасса оьрму бувкIссания, ччаннай бацIан хьуния, мусиватсса азардануяр ххув хьун хьуния тIий. Укунсса оьрчIру ххари баврияр хъуннасса хъиншивугу, чиригу чув буссар? Ва фондрал муданасса кумагчи, меценат Арслан Раджабоври вай оьрчIан ца лахIзалийссарагу тирхханну дулун чялиш увкмагу. Хъинбалану занабикIаннав ваналгу, ванал уртакьтуралгу буллацири хъинбалартту. ОьрчIан – цIуллушиву, нитти-буттахъан – ссавур!