МахIачкъала шагьрулул администрациялул ЦIушинал байрандалуцIун дархIуну хIадур дурунни гьарта-гьарзасса программа. Шадлугъирттал дайдихьу дувантIиссар Дякъилттаттахъал ва Марххаладушваврал Парадрал.

---

Декабрьданул 27-нний
– 15:00 ссятраву – Дя­къилттаттахъал ва Марххаладушваврал парад. Му, Оьруснал театрданучIату дайдирхьуну, дайлитIунтIиссар шагьрулул хъун майданнив.
– 15:30 ссятраву – шагьрулул хъун майданнив шадлугърал тагьарданий тIитIинтIиссар Хъун елка. Шадлугъравух гьуртту хьунтIиссар Дагъусттаннал паччахIлугърал филармониялул ва МахIачкъала шагьрулул ОьрчIал филармониялул артистътал.
– 18:00 ссятраву – ДР-лул ХIукуматрал къатрал чIирай бюхттулну ккаккан дувантIиссар мультимедий ва графикалул цIушинал представление (3D-mapping-шоу).
– 18:10 ссятраву – шагьрулул хъун майданнив «С Новым годом, Махачкала!» цIанилусса байрандалул концерт хьунтIиссар.
– 19:00 ссятраву – муниннин бурган къабювхъуминнан цIунилгу ккаккан дувантIиссар мультимедий ва графикалул цIушинал представление (3D-mapping-шоу).
– 19:10 ссятраву – ЦIушинал «С Новым годом, Махачкала!» концертрал гихунмаймур бутIа.

Декабрьданул 28-нния декабрьданул 30-ннин
– 16:00 ссятрава 19:00 ссят хьуннин вай кьинирдай шагьрулул хъун майданнив хьунтIиссар «ЦIушинал открыткартту» тIисса байран – Дагъусттаннал паччахIлугърал филармониялул, МахIачкъала шагьрулул ОьрчIал филармониялул артистътурал ва шагьрулул оьрчIал маданиятрал школарттал тарбиячитурал концерт.
– 19:00 ссятраву ва ссят 20:00 хьуну – ДР-лул ХIукуматрал къатрал чIирай бюхттулну ккаккан дувантIиссар мультимедий ва графикалул цIушинал представление (3D-mapping-шоу).
– 19 ссят ва 10 минутIраву шагьрулул хъун майданнив хъун экрандалий ккаккан бу­вантIиссар оьрчIансса «Новогоднее приключение Маги и Пати» тIисса мюзикл.

Декабрьданул 30-нний
– 12:00 ссятраву – МахIач­къала шагьрулул жямат ЦIусса, 2021-ку, шинащал барча буллай, шагьрулул майданних занантIиссар Дякъилттатта ва Марххаладуш бусса карета ва машина.

Декабрьданул 31-нний
– 18:00 ссятраву – шагьрулул хъун майданнив хъун экрандалий ккаккан бувантIиссар оьрчIансса «Новогоднее приключение Маги и Пати» тIисса мюзикл.
– 21:00 ссятраву ва 23 ссят 45 минутIраву ДР-лул ХIукуматрал къатрал чIирай бюхттулну ккаккан дувантIиссар мультимедий ва графикалул цIушинал представление (3D-mapping-шоу).
– 23 ссятраву 55 минутIраву – хъун майданнив экрандалий ккаккан дувантIиссар Аьрасатнал Федерациялул Президентнал цIушинал барча баву.
– 00:00 ссятраву – ЦIушинал байрандалул фейерверк.

Январьданул 1-нний ва 2-нний
– 18:00 ссятраву ва 19:00 ссятраву – ДР-лул ХIукуматрал къатрал чIирай бюхттулну кка­ккан дувантIиссар мультимедий ва графикалул цIушинал представление (3D-mapping-шоу).
– 18 ссят ва 10 минутIраву шагьрулул хъун майданнив хъун экрандалий ккаккан буван­тIиссар оьрчIансса «Новогоднее приключение Маги и Пати» тIисса мюзикл.

Январьданул 3-нний ва 4-нний
– 16:00 ссятраву ва 16 ссят ва 30 минутIраву хъун майданнив «ЦIушинал открыткартту» байран хьунтIиссар – Дагъус­ттаннал паччахIлугърал филармониялул, МахIачкъала шагьрулул ОьрчIал филармониялул артистътурал ва шагьрулул оьрчIал маданиятрал школарттал тарбиячитурал концерт.

Пландалувусса гьарцагу шадлугъ хьунтIиссар Роспотребнадзорданул цинярдагу тIалавшиннарду ва маслихIатру хIисавравун лавсун.