Вай гьантрай МахIач­къа­лаллал аэропорт­рай хьунабавкьунни Оренбурграй Аьра­сатнал заккунттай буккаврил чемпионатрай ххув хьуми ва призертал.
Дагъусттаннал боксертурал дурххунни кIира мусил ва кIира арцул медаллу. Чемпионтал хьунни Жамбулат Бижамов (75 кило) ва Муслим ХIажимахIаммадов (91 кило). М. ХIажимахIаммадов утти мукьулчинни хьусса Аьрасатнал чемпион. Вайннал тренерну ур Рашидбаг АхIмадов.
Арцул медаллан лайкь хьунни Шагьаьппас МахIмудов (69 кило) ва Шарапуттин Атаев (81 кило).
Спортсментал хьунабакьин бувкIун бия Республикалул Минспортрал вакилтал, спортшколарттал каялувчитал, мачча-гъанми ва дустал.