Сергей Меликовлул барча дунни Ватандалул Вирттаврал кьини

ХIурмат бусса дагъусттанлувтал!
Аьзизсса вирттал!
Барча дуллай ура зухь Ватандалул Вирттаврал кьини!
ХIакьину жула дянив лавайсса хIурматрай ва бусраврай бур паччахIлугърал бюхттулсса наградарттан лайкь хьусса ватанлувтал. Гьарца Виричунал оьрмулул ххуллу хъанахъиссар цала миллатрал хьхьичIсса лавайсса даражалул жавабшиврул эбратну. ДакI кьянкьашиврул, Ватандалийн дакI тIайлашиврул кумаг бувссар миннал ялун лирксса кьини лайкьну лахъан. Жува пахрулий буссару жулва Вирттаврая, миннал цалва оьрмурду хIайп къабувссар Ватандалухлу булун. Жува икрам буллай буру Хъунмасса Буттал КIанттул цIанийсса дяъвилий ххувшаву ларсъсса никирал хьхьичI.
ДакIнийхтуну барчаллагь тIий ура циняв вирттаврахь.
ЧIа тIий ура зун цIакьсса цIуллушиву, паракьатшиву ва хъиншивуртту.
Дагъусттан Республикалул БакIчинал буржру чIумуйну бартбигьлагьима
С. Меликов