Дагъусттаннал паччахIлугърал технический университетраву декабрь зурул 8-нний Дагъусттаннал Культуралул министерствалул ва Дагъусттаннайсса Аьрасатнал МИД-рал представительствалул сипталийну дунни тамансса вузирдал вакилтал бавтIсса элмийсса конференция — «Билаятру. Мазру. Культура».
Ваний гьурттушинна дунни, Аьрасатнал регионнаясса хъамаллурацIун, кьатIаллил билаятирттаясса идарартталгу. Масалдаран, чил билаятирттайсса ватанлувтуращалсса арардалсса буллалисса Ассоциациялул (Аьрасат-Сирия-Иордания) , дунияллул мазурдил УзбакIисттаннал паччахIлугърал университетрал. Конференциялул дайдихьу дуллалисса махъ лавхъуна элмийсса ва инновациялул даврилсса буллалисса проректор ХIамид Ирзаевлул. МахIачкъалаливсса Аьрасатнал МИД-рал вакил Амирхан МахIаммаддадаевлул цIаниятусса барча буллалисса адрес дурккуна, ва конференция сакингу дурну, дачингу дурсса, кьатIаллил мазурдил кафедралул хъунмур, профессор Нажават Абуевал.
Дагъусттаннал ва Машрикьуллал билаятирттал дахIаврия бусласисса доклад бувна ялув кIицI лавгсса ассоциациялул вице-президент Шяпи Ахъушалил. Польшанал хIакин Людвиг Заменгофлул оьрмулия бувсуна «Ракурс» тIисса Информациялул ва аналитикалул центрданул президент АьбдурахIман Юнусовлул. Ингилис мазрайсса доклад бувна ДГТУ-лул аспирант Оскар Конан Коффил. Дистанцион кьяйдалий бувсуна жагьилтал экстремизмалия байщун буваву мурадрай дуллалисса давурттая Германнавасса жагьилтурал идаралул доцент-консультант Фридрих Романнул. Вава Технический университетрал инженер-экономикалул факультетрал студентътурал ингилис мазрай бувсуна Чачаннал миллатрал лаххиялия.
