Базаллувусса дукиялул багьри

Гьашину декабрьданул 1-нния 7-ннийнин лахъ хьунни цаппара ахъулссаннул ва ахънилссаннул багьри. Помидор ва нисварти ххира хьунни 6,6% ва 1,4 %, къурул багьа лахъ хьунни 2,7%, чимусулсса – 0,6%. Мура чIумал нувщул ва каландалул багьри ялавай багьунни 0,7 % ва 0,6%.


ЛирчIми дукиялул сурсатирттавату тамансса ххира хьунни: ккунукру – 5,6%, ххяххиялул аьгъушиву – 2,7 %, хIуву качар – 1,6%. МикIлачIун бувсса чавахъ, ччатI ва булкарду, аьнакIив, макIарунну, яттил дикI ххира хьунни 0,4 — 0,9 %.
Мура чIумал хIурунисирал ва бартлил багьри ялавай багьунни 0,8 % ва 0,5 %.
Дарурттавату яла-яла ххира хьуми бур анальгин – 2,1 %. Алмагель, офтан катахром, поливитаминну, ренни, троксерутин, валокордин, флуоцинолонналул ацетонид ххира хьунни 0,1- 0,7 %. Бромгексин кьювкьунни 0,3 %. Бензин ва дизелданул ччуччия ххира хьуну дакъар.
ДР-лул паччахIлугърал статистикалул къуллугърал ккаккиярттайн чул бивщуну, хIадур бувссар