Декабрьданул 22-нний хьунни ДР-лул Халкьуннал Мажлисрал гьашину махъва — махъмур, 53-мур, сессия. Му бачин бувну ия парламентрал спикер Хизри Шихсаидов.

Депутатътурал ххал диргьунни 2021 шинайнсса республикалул бюджетрал проект. Масъалалул хIакъираву ихтилат бунни Халкьуннал Мажлисрал Бюджетрал, финансирттал ва налогирттал комитетрал председатель Сайпуллагь Исякьовлул.Мунал тIимунийну, региондалул бюджет дузал буллалийни хIисавравун ларсун диркIун дур ДР-лул БакIчиная дуркIун диркIсса цинярдагу (7) тIайла бацIан бавуртту, мукунна Халкьуннал Мажлисрал депутатътураяту ва кIанттул цилакаялувшиврул органнаяту дуркIун диркIсса лабизавуртту.

Сессиялий мукунма бувсунни налогирттал ва налогирттал дакъами доходирттал бюджетравунсса лагру хьуну душиву 38 млрд къурушру.
Ми дакъассагу, региондалул бюджет щаллу бувну бур федерал бюджетрал кумагран итадаркьусса арцулгу (18 млрд 277млн къуруш).