МахIачкъалалив, Дусшиврул къатраву, хьунни Доброволецнал кьинилул хасъсса шадлугъ.

Муний гьуртту хьунни Дагъусттан Республикалул Культуралул министерствалул волонтертал. Жагьилтурал дурккунни назмурду, увкунни балайрду, бивзунни къавтIун. Концерт цурда дачин дурнугу бия культуралул волонтертал – Зулфия Адильбагова ва Кьурбан Кьурбанов.

Концертрай махъ лахълай, «Культуралул волонтертал» тIисса цIанилусса жяматийсса суккушиндарал Дагъусттаннайсса координатор Гулнара Аьлиевал цилва ихтилатраву кIицI лавгунни, цIанасса къулай дакъасса тагьаргу хIисавравун ларсун, шадлугъ хьушиву санитар-эпидемиологиялул тIалавшиннардугу дурурччуну.