Оператив штабрал батIаврий

Оператив штабрал батIаврий

Августрал 5-нний ДР-лул ХIукуматрал Председатель Артем Здуновлул каялувшиврий хьунни республикалий коронавирусрал инфекциялул хьхьичIалу кьукьаврил Оператив штабрал батIаву.

Дагъусттаннай цIанасса санитар-эпидемиологиялул тагьардания бувсунни Роспотребнадзорданул ДР-лул управлениялул каялувчи Николай Поповлул.
Мунал тIимунийну, цIанасса ппурттуву сияхIрайн лавсун ур коронавирусрал къашавай­сса 9475 инсан. Гьантлун 40 ххи хъанай ур. Махъсса 3 нюжмардий халкь къашавай шаврил тагьар ца даражалий дарцIуну дур. Махъсса нюжмардий ххал ивгьуну ур 24698 инсан, дазул кьатIату бувкIмигу хIалану.

Мунал мукунма кIицI бунни, агана сентябрьданул 1-ннийнин санитар-эпидемиологиялул тагьар оьлухълай дайдиширча, педагогтурал коллективругу лабораториярттай ххал бигьин аьркинну бушиву.
ДР-лул цIуллушиву дуру­ччаврил министрнал бувсунни луртандарай бушиву 1240 койка, даруртту ва гьарца аьркинлугъ.
БатIаврий ихтилат бунни ДР-лул промышленностьрал ва машлул министр Батир Эмеевлул.

Премьер-министрнал дакI­нийн бувтунни маскардал низам республикалий дукьан дурну дакъашиву. Мунал тапшур бунни ххал дуван шагьрурдал ва районнал базардаву, ттучаннай маскардал тагьар, мукунма республикалийн буххайсса кIанттурдай манзилданул термометрарду душиврул ва да­къашиврул масъала.

Муния махъ МахIачкъалаллал бакIчи Салман Дадаевлул бувсунни хIакьинусса кьини зун хIадурну бушиву 72 ресторан, 11 машлул центр, 15 фитнес зал, 27 банкетрал зал.
Артем Здуновлул тапшур бунни ххал дигьин миннул санитар-эпидемиологиялул тагьар ва дуруччин бюхъантIий бурив миннуща Роспотребнадзорданул тIалавшинну.

ХIадур бувссар
ХI. Аьдиловлул

Читайте также: