Августрал 13-нний ДР-лул Шяраваллил хозяйствалул ва бакIлахъиялул министерствалий хьунни Дагъусттаннал ЗахI­матрал министерствалул 2020 шинайн хIадур дурсса Антикризисрал программалул презентация. Программалий ккаккан дурну дур давурттая букьан буван бюхъайсса ягу чIумуйсса зузисса зузалтран бачIи-кьачIисса бунугу даврил хIакь булун бюхъаншиврул, давурттал дузал байминнан субсидиярттал журалийсса мероприятияртту бартдигьаву. Муний гьуртту хьунни ДР-лул шяраваллил хозяйствалул ва бакIлахъиялул министр Абзагьир ХIусайнов,...

[dropcap]Л[/dropcap]аргсса шинал ДР-лул ЗахIматрал ва социал лябуккулул министерствалул «Демография» тIисса нацпроектрал лагрулий цала бакIрайн лавсъссия, пенсиялийн буккан хъунма хIал къаливчIсса инсантал дуккин бувну, миннан цIусса пишарду ла­хьхьин бан. Гьашинугу «Хъунмур ник» тIисса федерал проектрал лагрулий 50 шин хьусса 180 инсаннан пишарду лахьхьин баврицIун кабакьинтIий бур. Ва проект министерствалун дацIантIий дур 15 миллиондалун. З. АьбдурахIманова [dropcap]В[/dropcap]а...

Августрал 19-нний Дагъусттаннал БакIчи Владимир Васильев хьунаавкьунни республикалул цIуллу-сагъшиву дуруччаврил министр Жамалуттин ХIажиибрагьимовлущал. Министрнал бувсунни республикалийсса эпидемиологиялул тагьардания, койкардал фонд ишла дуллалаврия, медициналул идарартту техникалул дузал баврия, медициналул зузалт биялну бу-бакъашиврия. Хьунабакьаврий ххал бивгьунни мукунма цIуллушиву дуруччаврил информатизациялул масъалагу. Министрнал тIимунийну, пландалий бу­сса бур медициналул цинярда сакиншиннардугу, ФАП-ругу электроникалул гьанулийн буцин.

Августрал 17-нний ДР-лул аьрщи ва хъус-хъиншивурттал арардал министр АгъарахIим Къарагишиевлул дунни приватизациялул прогнозрал пландалийн лавсъсса ГУП-ру цIунил дузал баврил (реорганизация) хIакъиравусса батIаву. Муний гьуртту хьунни ДР-лул ХIукуматрал Председательнал хъиривчу Аьбдулмуслим Аьбдулмуслимов, ДР-лул шяраваллил хозяйствалул ва бакIлахъиялул министр Абзагьир ХIусайнов ва цаймигу идарарттал вакилтал. БатIаврий ххал бивгьунни ГУП-ирдал балансрайн буллусса республикалул хъус-хъиншивурттал объектирдал заллухъру хьунсса ихтиярду...

Лавгми бигьалагай гьантрай цIаларгсса заргалтурал Оьргърал шяраву магьирлугъ ххираминнансса ва ва аралуву зузиминнансса шадлугърал батIаву хьунни. Шикку «Оьргърал къала» тIисса цIанилу тIиртIунни печатьрал графикалул халкьуннал дянивсса кIилчинсса Биеннале. Ваний тамашалун дирхьуну дия Аьра­сатнал, Беларусснал, Украиннал, Болгарнал, Чехиянал, Туркнал, Германнал, Нидерланнал, Мексиканал ва Венесуэллал цIаларгсса художник-графистътурал ва художествалул вузирдаву ккалакки­сса жагьилсса художниктуралгу дирхьусса 200-сса сурат. З.АьбдурахIманова...

ДР-лул ЦIуллу-сагъшиврул министерствалул хIукмулийну, республикалул Перинатал центрданий тIиртIуну дур COVID-рал къашавайсса ягу мунийн щак бусса оьрчI бансса къашайшалт уттубишин буллансса отделение. Уттинин мукунми къашайшалт утту бивхьуну бивкIсса госпиталь тIивтIуну бивкIссар Каспийскаллал шагьрулул хъунмур азарханалий. З.АьбдурахIманова Перинатал центрданий тIиртIуну дур 25 тах бивхьу­сса отделение. Шиккун бувцуну бучIайссар республикалул роддомирттая тIайла бувксса COVID-райн щак бусса къашайшалт. ЦIана...