ДР-лул ЦIуллу-сагъшиврул министерствалул хIукмулийну, республикалул Перинатал центрданий тIиртIуну дур COVID-рал къашавайсса ягу мунийн щак бусса оьрчI бансса къашайшалт уттубишин буллансса отделение. Уттинин мукунми къашайшалт утту бивхьуну бивкIсса госпиталь тIивтIуну бивкIссар Каспийскаллал шагьрулул хъунмур азарханалий.
З.АьбдурахIманова
Перинатал центрданий тIиртIуну дур 25 тах бивхьусса отделение. Шиккун бувцуну бучIайссар республикалул роддомирттая тIайла бувксса COVID-райн щак бусса къашайшалт. ЦIана шикку уттубивхьуну бусса бур лякьлуву оьрчI бусса 7 хъамитайпа. Вайннал ялув бавцIуну, аьркинсса дару-дарманну буллай усса ур 30 медициналул зузала. Отделениялул пишакартал гьуртту шайссар онлайн-режимрайсса батIавурттай В.Кулаковлул цIанийсса Акушерствалул, гинекологиялул ва перинатал хъиривлаявурттал центрданийсса хIакинтурайнгу оьвкуну.
