[dropcap]Д[/dropcap]агъусттаннал ФСИН-далул управлениялий хьунни цалчинмур дачIи шинай дурсса даврил хIасиллу дуллалисса ва кIилчинмур дачIи
шинай хьхьичI ххуттайн ласунсса масъалартту ххал бигьлагьисса коллегиялул заседание. Заседание дачин дурну ия управлениялул хъунама виваллил къуллугърал полковник Андрей Поляков.
Андриана Аьбдуллаева
— Хьунадаркьусса цаппара захIматшивурттах къабурувгун, жуща бювхъунни жула биялдарайсса идарарттавусса тагьарданул ялув бацIан ва къуллугърал агьамми бигарду щаллу бавриву ххуйсса ккаккияртту чIалачIи дан.
ДачIи шинал лажиндарай чаран лякъарду УИС-рал подразделениярттавусса шартIру тIалавшиннардаха лархьхьусса даражалийн дуцин, чялишну зий бивкIру 2018-2026-ку шиннардийнсса УИС хьхьичIуннай даву мурадрайсса федерал программалул давуртту щаллу дуллай,- кIицI лавгунни цала ихтилатраву Андрей Поляковлул. Республикалул УИС- рал дачIи шинал лажиндарай дурсса давурттая ва уттиния тихуннай къулагъасралун ласун багьлагьисса масъаларттая бусласисса ихтилат бунни УФСИН-далул сакиншиндарал ва аналитикалул отделданул хъунмур, виваллил къуллугърал полковник ПатIимат НурмахIаммадовал.
Цала-цала биялдарайн багьлагьисса масъалартту щаллу баврил хIакъиравусса ихтилатру бунни Управлениялул хъунаманал хъиривчутуралгу. Ихтилатру хьунни управлениялул ва мунил биялдарайсса идарарттал давривусса диялдакъашивурттаягу, ми дукьан дансса чараннаягу.
Заседание къуртал хьуну махъ хьхьичIунсса зузалтран дуллунни личIи-личIисса наградартту.
