Бархъаллал школалул тарихрава

Бархъаллал школалул тарихрава

Бархъаллал шяравалу щаллагу дунияллийх, художествалул сянатир­ттал центр хIисаврай, машгьурну дур


1999-ку шинал дунияллийн бувксса, тарихран, географиялун, экономикалун, политикалун, медициналун ва цаймигу сферардан хас бувсса, 19 азарва статья бусса, суратиртталгу чIюлу бувсса словарьдануву агьамсса кIану бувгьуну бур Бархъаллал шяраваллин хас дурсса лажинтирттал. Бувсун бур бархъаллал тIахIунттая. Гьай-гьай, бархъал цала захIматрайну ва хIарачатрайнур машгьур хьусса.


Бархъаллал шяраваллил тарихрая гъалгъа тIутIийни, ляли­чIинува кIицI лаган багьлай бур Бархъаллал школалий математикалул дарсру дихьлай 50-хъайсса шинну дур­сса Оьмаев Шамил Шаммадаевичлул чивчумур.

Ва макьалалуву, школалул оьрмулия бусласисса дакъассагу, Хъунма­сса Буттал кIанттул цIанийсса дяъвилий талай бивкIминная, аьрабрай дурккусса аьлимтурая, тIахIунттал усттартурая, мусил усттартурая, каялувчитурая, колхозраву захIмат буллай бивкIминная ва цаймигу хьхьичIунсса бархъаллая бусласисса разделлу дикIан аьркинссия.

Якьуб Кьаландаров

Октябрь революция хьуннин Бархъаллал жяматран буккин-чичин кириллицалий кIулну къабивкIссар. Ча­гъар буккин аьркинсса чIумал, чIаххувсса махIлардайн, щархъайн лагайсса бивкIссар.
1924 шинал цал ХIаммад МахIаммадовлул, яла Ибрагьим МахIаммадовлул къатраву ла­хьхьин буллан бивкIссар оьрчIан буккин-чичин. Дарсирдайн занай ивкIссар ца-кIия оьрчI.
Цалчинсса учительталну бивкIссар ХIасан МахIаммадов (Магьдил) ва Ибрагьин МахIам­мадов. ХIасан махъ Табасараннал райондалий НКВД-лул хъунаманугу зий ивкIссар. Му къуллугърайсса чIумал чил канил ивк1уссар. ЦичIав кIул бангу къавхьуссар. Ибрагьин ялапар хъанай ва зий ивкIссар Лаващав.
Байбихьулул школа Бархъаллал шяраву бувссар 1930-ку шинал.

ЯхIия МахIмудов

1931-ку шинал школалийн кьамул буллан бивкIссар 7 шинаву. Байбихьулул школалул директорну ивкIссар Аьли ХIакимов (Мисидул Аьли). Учительталну зий бивкIссар: МирзахIажи БахIандов, Биллу Оьмаров, Ися Маммаев, ХIури Кьурбанов, МахIаммад ХIажиев (Сулал).
1935-ку шинал Бархъаллал школалий бивкIссар ххюва класс. Микку чIаххуврайсса Хъюллал, ЦIуликъяннал, Уручуллал шяраваллавасса оьрчIругу дуклай бивкIссар.
Директорну ивкIссар ХIажи Узданов, завучну – МахIаммад Къайнаев — кIиягу КIундиннал шярава­сса. Учительтал чан­сса буну, хасъсса муаьллимнал кIулшивуртту къаларсъсса инсанталгу зий бивкIссар учительталну. Махъ бувкIссар Гъумучиял педагог училищалул выпускниктал: ЧIаратусса ХIалин Батиров, Кьурбан Кьурбанов, Читтуратусса Гьарун МахIаммадов.
1938-ку шинал арулва класс къуртал бувсса оьрчIал цалчинсса выпуск хьуссар. Миннавух бивкIссар: Маллачи Мусаев, Аьлил ХIасанов, Якьуб Кьаландаров, Оьмаркьади Къаллаев, МахIаммад ХIамзатов, ХIабибат Аьбдуллаева, Ххадижат Шаммадаева, Ххамис МахIаммадова, Аьйшат ХIаммадова, Муслимат КутахIаммаева.
1957-ку шинал тIивтIуссар Бархъаллал дянивмур даражалул школа. Утти школалул учительтураву Бархъаллал шяравассагу бивкIссар: Якьуб Кьаландаров (тарихрал учитель), АьвдурахIман Аьбдуллаев (ниттил мазрал учитель), ИсяхIажи Кьаландаров (биологиялул учитель). ЛичIи-личIисса шиннардий Бархъаллал дянивмур даражалул школалий цайми щархъаясса учительталгу зий бивкIссар: ЧIаратусса ХIалин Батиров ва Кьурбан Кьурбанов, КIундиясса ХIажи Узданов ва МахIаммад Къайнаев, Читтуратусса Гьарун МахIаммадов, ва ЦIаххуй, Уручлатусса ХIажи ва Важигат МахIаммадовхъул, Кьубату­сса Жаннат Кукуева, Айнулаят Мирзаева ва Аьбдулла Мирзаев, ЦIувкIратусса Сайпу Сайпуев, МахIач, Рамзан Расулов, Гебеклиясса МахIарам МахIаммадов, ХIапшиматусса ХIабиб ва МахIаммад БабахIажиевхъул, ЧукIнатусса Муъмин ва Па­тIимат.

МахIаммад Маммаев

Бархъаллал жяматрал барчаллагьрай дакIнийн бичай, вай бакъассагу, чIявусса цаймигу, оьрчIан кIулшивуртту дулун, хаснува оьрус маз лахьхьин бан, билаятрал гьарцагу мурцIния бувкIсса оьрус учительтал.
Зунттал шяраваллаву бигьа дакъасса шартIирдай зий вайннал бивхьусса захIматрал кьимат хъунмассар. Хъунмасса бахтти хьуссар вайнначIа дуклан кьи­с­мат хьусса оьрчIангу. Бусраврай ва кьадрулий кIицI лаганну миннал цIарду: Владимир Васильевич ва Серафима Петровна Губаревхъул, Валентина Антоновна Максиленко, Валентина Федоровна Антипова, Алла Александровна, Галина Григорьевна Курасова, Степан Федерович, Валентина Сергеевна Калманова, Лидия Ивановна.

Чарак МахIмудов

АцIва класс къуртал бувсса оьрчIал цалчинсса выпуск хьу­ссар 1960-ку шинал. Школа къуртал бувссар 19 оьрчIал: Аьлие­ва ПатIимат — Дагъусттаннал лайкь хьусса учитель; Аьлиев МахIаммад — лавайсса даражалул токарь; БахIандов ТIалхIат — учитель, МВД-лул подполковник; ХIаммадов Александр – педагог; Исмяилов Нажбу­ттин — лавайсса даражалул токарь; Исяев Рашид — контролер-ревизор; Къаллаев Нажбу­ттин — хIакин-травматолог, профессор; МахIаммадов Бухарин — Бархъаллал школалул зузала; МахIаммадов ХIасан — инженер-технолог (ЦIуликъян); МахIаммадов Ибрагьин – инженер; МахIаммадов Рашид — Да­гъусттаннал лайкь хьусса учитель, ОьмархIажиев МахIаммад — педагог (ЦIуликъян); ХIус­манов ХIусман – учитель; ХIусманов Исмяил – Аьрасатнал халкьуннан кIулшивуртту дулаврил отличник; Оьмаев Шамил — военрук, математик; МахIаммадхIажиев МахIаммад — физикалул учитель; Хизриев ХIасан — оьрус мазрал учитель; Хизриев Оьмар — математикалул учитель (Ккул), Шагьабуттинов МахIаммад — шяраваллил хозяйствалул зузала (ЦIуликъян).

Ххадижат Оьмаева

1965-ку шинал Бархъаллал дянивмур даражалул школалий зузисса цинявппа учительтал Бархъаллал шяравасса бивкIссар. Ларайсса кIулшивуртту ларсъсса Бархъаллал учительтал Ахъу­шиял райондалийсса цайми школардайнгума зун гьан буллай бивкIссар.

РяхцIалку шиннардий Бар­хъалав хIасул хьуну бивкI­ссар лавайсса даражалул учитель­турал коллектив. Вайннал хIа­рачатрайну школалий кIул­шивуртту ласаврил даража хъинну гьаз хьуссар, оьрчIру-душру личIи-личIисса институтирттавун бухлан бивкIссар. Институтру къуртал бувну махъ зий бивкIссар кIулшивуртту дулаврил, культуралул, медициналул, шяраваллил хозяйствалул ва цаймигу арардаву, жаваблувсса къуллугъирттай.
Бархъаллал шяраваллил тарихраву чирчуну дуссар вай учительтурал цIарду:
МахIаммад Маммаев
Нажмуттин Мусаев
Курсун Идрисова
Якьуб Кьаландаров
ХIажи Кьаландаров
МахIаммад Кьаландаров
Шакират Мусаева
АьвдурахIман Аьбдуллаев
Залму Кьаландарова
МахIаммад ХIажиев
Жуттин Аматтаттаев
Абакар ХIасанов
Нуруллагь ЧанкурхIажиев
РахIим Мамаев
Сулайман Шаммадаев
Куса МахIаммадов
Зумрут МахIаммадова
Мямма Ассанаев
Вали ХIабибуллаев
Биза Аьбдулхаликьов
Ххамис ХIажиева
МахIаммад Муртазалиев
МахIаммад Чавтараев
ХIасан Мамаев
Савдат Ибрагьимова
Чарак МахIмудов
Аьбдул Мирзаев

ЧIявуми учительтурал 50-нния лирчусса шинну хьуну дур школалий зий. ЛяличIисса барчаллагьран лайкьссар: МахIам­мад Маммаевич, Залму Даудовна, Якьуб ХIаммадович, ЯхIия МахIмудович, Чарак МахIмудович, Аьбдул Мирзаевич, Нажбуттин Мусаевич, Савдат ХIасановна, Ххадижат Маммаевна, Курсун МахIаммадовна, Биза Амирханович, Ххамис МахIаммадовна, Вали ХIабибуллаевич, ХIасан ХIаммадович, Мямма Ассанаевич, Зайнуттин Исламович, Рукьижат Сиражуттиновна, ИсахIажи ХIаммадович, Нуруллагь ХIажиевич, МахIаммад ХIажиевич.
Мукунма барчаллагьрай дакIнийн бичайссар ХIусман Ибрагьимович НурбахIандов – Дагъусттаннал университетрал дуккаврил бутIул каялувчи ва Аьвдуллагь МахIаммадович МахIаммадов – Ахъушиял РайОНО-рал хъунама, жагьил­сса никиран кабакьу буллай бивкIун тIий.
Вайнна личIи-личIисса шиннардий Бархъаллал школалий зий бивкIсса учительтурал ва тарбиячитурал цIарду:

ХIасан МахIаммадов
Ибрагьим МахIаммадов
Аьли ХIакимов
Аьлил Гаммуев
МирзахIажи БахIандов
Биллу Оьмаров
Ися Маммаев
Хизри Кьурбанов
МахIаммад ХIажиев
Якьуб Кьаландаров
МахIаммад Маммаев
Нажбуттин Мусаев
Курсун Идрисова
ИсахIажи Кьаландаров
Шакират Мусаева
АьбдурахIман Аьбдуллаев
Залму Кьаландарова
МахIаммад ХIажиев
Жуттин Аматтаттаев
Абакар ХIасанов
Чанкур ХIажиев
РахIим Маммаев
Сулайман Шаммадаев
Куса МахIаммадов
Зумрут МахIаммадова
Мамма Ассанаев
Вали ХIабибуллаев
Биза Аьбдулхаликьов
Ххамис ХIажиева
МахIаммад Муртазалиев
МахIаммад Чавтараев
Гутбан Мамаев
Савдат Ибрагьимова
Чарак МахIмудов
Аьбдул Мирзаев
МахIаммад Кьаландаров
ДивирхIажи Аьбдуллаев
Аьли ХIаммадов
Ях1ия МахIмудов
Аьлил Маммаев
Абакар МахIаммадов
МахIаммад ХIажиев
Зайнаб МахIмудова
МахIаммад Аьлиев
Хадижат Сулайманова
Ххамис Омалаьлиева
ПатIимат Омалаьлиева
ХIасан Хизриев
Ххажи Хизриева
Аминат ЯрахIмадова
Ххадижат Кьаландарова
Зайнут Исламов
Рукьижат Исламова
Гулизар Исламова
Шамил Оьмаев
Мая Мамедова
Исмяил ХIусманов
Ибрагьим Абакаров
Индира Абакарова
Ибрагьим Шагьабуттинов
Гьидаят Шагьабуттинова
Аьбдулла Аьбдуллаев
Нурулла МахIмудов
Г. Муртазалиева
ХIасан МахIаев
Рустам Мирзаев
Оьмар МахIаммадов
МахIаммад Аьлиев
Гулистан Аьлилова
Гулистан Ибрагьимова
Уди Ибрагьимова
Индира ХIусманова
Альбина Аьбидова
Аьйша Кьадирова
Омаркьади Къаллаев
Зарема Ибрагьимова
СалихI Идрисов
Асият АхIмадова
МахIмуд МахIмудов
ХIаммад Кьаландаров
Закир Кьаландаров
Уди Кьаландарова
Джума Кьаландарова
Руслан Маммаев
Барият Маммаева
Заурбек Маммаев
Раисат Мусаева
ПатIима Оьмарова
Зайнаб Аьлибецова
Т1агьират Оьмаева
Сулайман Оьмаев
Загьидат Маммаева
Сузанна Зайпуллаева
Арсен Сулайманов
ПатIимат МахIаммадова
ПатIимат Кьаландарова

Бархъаллал школалул гьану бивзния шинмай школалул директорталну бивкIссар:

ХIасан МахIаммадов (Бархъал)
Аьли Гакимов (Бархъал)
Биллу Оьмаров ( Бархъал)
ХIажи Узданов (КIундими)
Рамазан Дадаев (ТIюхчар)
Рамазан Мутаев (Щар)
ХIажи МахIаммадов (Уручул)
Якьуб Кьаландаров (Бархъал)
ЯхIия МахIмудов (Бархъал)
МахIаммад Маммаев (Бархъал)
Чарак МахIмудов (Бархъал)
МахIаммад Аьлиев (Бархъал)
Зайнаб МахIмудова (Бархъал)

Шинну наниссаксса гьарзат даххана хъанай дур, баххана хъанай буру жувагу. Дахханашивуртту хъанай дур шяраваллил школалийгу. Ялу-ялун чан хъанай бур дуклаки оьрчIру, мюрщи личIлай бур классру.
Амма жуйва цинявннай­сса буржри, буттал шяраваллил лавгмургу кьадрулий дакIний бивтун, хIакьинумургу аякьалий бурувччуну, гьунттийсса кьинилуцIунсса умудругу, мурадругу бювхъуссаксса лахъину ябаву ва цIу буккан буллалаву!
Заннал хъинмур чивчуну лякъиннав!

Ш. Оьмаев
М. МахIмудов
ХIадур бувссар
А. Аьбдуллаевал

Читайте также: